«D66» կուսակցության արտաքին հարաբերությունների հանձնախմբի անդամների այցը ՀՀ դեսպանություն

09 հունիսի, 2023

Հունիսի 9-ին դեսպան Տիգրան Բալայանը դեսպանությունում հյուրընկալեց կոալիցիոն «D66» կոալիցիոն կուսակցության արտաքին հարաբերությունների հանձնախմբի անդամներին։

Ողջունելով հյուրերին՝ դեսպանը կարևորեց նման հանդիպումների անցկացումը՝ քաղաքական ուժերի հետ մտքերի փոխանակման և երկկողմ համագործակցությունը խորացնելու տեսանկյունից։

Դեսպանը հանդիպման մասնակիցներին ներկայացրեց Հայաստան-Նիդերլանդներ հարաբերությունների պատմությունը և ներկայիս օրակարգը, Եվրամիության հետ ծավալվող ինտենսիվ համագործակցությունը՝ ընդգծելով Հայաստանում ԵՄ դիտորդական առաքելության կարևորագույն դերը տարածաշրջանային իրավիճակի կայունացման հարցում։

Այնուհետև դեսպանն անդրադարձավ տարածաշրջանում ստեղծված անվտանգային բարդ իրավիճակին և առկա մարտահրավերներին, Ադրբեջանի ապակառուցողական մոտեցմանը և ի հեճուկուս Արդարադատության միջազգային դատարանի վճիռների՝ Լաչինի միջանցքի ապօրինի շրջափակման հետևանքով Արցախում առաջացած հումանիտար ճգնաժամին։ Նա կարևորեց ՄԱԿ-ի առաքելության շուտափույթ գործողումը Արցախ և Լաչինի միջանցք՝ որպես արցախահայության էթնիկ զտումը կանխելու միակ միջոց։

Հանդիպման մասնակիցները Հայաստանի արտաքին քաղաքական օրակարգին առնչվող մի շարք հարցեր հղեցին դեսպանին, որոնց ի պատասխան Տ․ Բալայանը վերահաստատեց Հայաստանի հանձնառությունը խաղաղության հաստատմանը՝ այս համատեքստում ընդգծելով միջազգային գործընկերների ջանքերով ձեռքբերված պայմանավորվածությունների՝ Ադրբեջանի կողմից կատարման հրամայականը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր